Bamž zemrěł

22. jutrownika 2025, 08:54 hodź.

21. jutrownika dźensa mamy, jutrowna póndźela. A runje w přihotach na wusyłanje su agentury wozjewili, zo je bamž Franciskus po informacijach watikana dźensa rano 7.35 hodź. w starobje 88 lět wudychał. Wčera hišće je jutrowny postrow "Urbi et orbi" na Pětrowym naměsće před dźesać tysacorymi wěriwymi rěčał. Po tym je z pomocu papamobila po naměsće jěł, wjacore razy pozastał, zo by dźěći žohnował. Dołho bě njejasne, hač jeho strowota to scyła hišće dowoli. Njedawno je dlěje hač měsac ze zahorjenymi płucami w chorowni w kritiskim stawje był.

Dźensa rano je rodźeny Argentinjan na prawdu božu wotešoł. Wot 13. měrca 2013 bě Franciskus bamž.