Hudźbna redakcija předstaji: Serbska hudźba – wšudźe a přeco
Hauptinhalt
Serbske hudźbne titule z našeho rozhłosoweho programa móžeće sej tule na swoje ličaki abo smartfony sćahnyć a tež składować. Tak móžeće sej na přikład nowu serbsku hudźbu tež sobu na wulěty abo do dowola wzać a po puću w awće poskać, bjez toho, zo so runje w Serbskim rozhłosu piskaja. Wjele wjesela při słuchanju!
Wuzwolće sej tule titule z našeho wuběrka a składujće sej je cyle jednorje jako mp-trójku (mp3). Za to maće na spěw stłóčić a potom jewi so deleka pokazka na download titula. A wězo móžeće sej spěwy tež naposkać:
Francoski komponist prodokuje za Serbski rozhłós
Etienne Pelosoff z Francoskeje. Hromadźe z dźewjeć dalšimi hudźbnikami je wón předlońšim z Bretanije na Nukstock festiwal přijěł, zo by tam swoju měšeńcu jazza a blackmetla předstajił. A tam so při rozmołwach wukopa, zo wón tež načasnu popowu, rockowu a elektronisku hudźbu komponuje a w swójskim studiju njedaloko města Rennes produkuje.
Spěwarki Serbskeho rozhłosa a Rock and Roll Hall of Fame:
Spočatk januara před 35 lětami bu z Arethu Franklinowej prěnja žona do Rock and Roll Hall of Fame přiwzata. Składnostnje tutoho podawka je 3. januar tajke něšto kaž „Woman Rock! Day“. Měrćin Wjenk je so raz z někotrymi spěwarkami Serbskeho rozhłosa wo tym rozmołwjał, što hudźba za nich woznamjenja:
