40. Sokołski wolejbulowy turněr wo pokal Domowiny: W Lipsku stafle wulosowali
Hauptinhalt
20. nalětnika 2025, 07:22 hodź.
W Lipsku su wčera popołdnju wulosowali stafle za lětuši 40. Sokołski wolejbulowy turněr wo pokal Domowiny. Tutón wuhraje so sobotu, 29. měrca w Radworskej Slaviji. Cyłkownje wobdźěli so na turněrje lětsa dwanaće mustwow, rozdźělene do třoch staflow.
prawa za wobrazy: MDR
Při wulosowanju přitomni běštaj jako zastupjerjej Serbskeho Sokoła, předsyda Jan Hrjehor a Józef Šwon, losowanskej soninje běštej moderatorce sportoweje redakcije MDR Aktuell, Mo Krüger a Stefanie Blochwitz.
prawa za wobrazy: MDR
