W Koslowje su na 650lětny jubilej naspomnjenja wsy, kiž kónc tydźenja swjeća, derje přihotowani. Za njón su wot spočatka lěta dźěłowe skupiny wutworili, kiž su stawizny wsy a jednotliwych statokow zezběrali. W zašłych dnjach su k tomu stare graty a figury k wobrazam we wsy zestajeli, tak na přikład šewca, ratarjow a mlokowu rampu. Dale su tafle z fotami a faktami zestajeli. Nahromadźene informacije chcedźa kónc tydźenja we wustajeńcy pokazać. Dźensa so swjedźeń ze spěwnym wječorom započnje.